KORONADAL CITY – Ginbawian sang kabuhi ang duha ka wanted person sa nagluntad nga shootout sa probinsya sang South Cotabato kag Sultan Kudarat.
Ginkilala ni PNP 12 Public Information Officer Police Lieutenant Colonel Lino Capellan ang una nga ginbawian sang kabuhi kay Norman Dangan, 33 anyos kag residente sang Barangay Palian, Tupi, South Cotabato.
Ginpahayag ni Capellan nga si Dangan kay myembro sang AKP Nilong Group nga naulamid sa carnapping, Robbery holdup kag gun for hire activities.
Suno kay Capellan, si Dangan kay una nga naarestar sang gintingob nga pwersa sang Tupi kag Polomolok PNP sa Barangay Palian apang samtang ginabalhin halin sa Tupi Municipal Police Station padul-ong sa Polomolok Police station gin-agaw suno pa sang suspek ang armas luthang sang isa ka police escort kabangdanan nga ginluthang man ini sang mga kapulisan kag ginbawian sang kabuhi.
Ang napatay sang mga otoridad nga si Dangan kay wanted bangud sa pagpatay sa retirado nga pulis nga si Puyat Pasague sa Barangay Bentung, Sulit Polomolok sang 2017.
Samtang, patay man ang isa ka notorious criminal sang magbato ini sa mga otoridad nga maga arestar saiya sa sulodlon nga Sitio sang Cocoon, Barangay Salumping, Esperanza, Sultan Kudarat.
Nakuha sang mga otoridad sa puluy-an sini ang 12 gauge break-open pistol, mga bala, assorted bladed weapon kag Marijuana leaves.
Ginpahayag ni Capellan nga si Linas kay isa man sa mga suspek sa pagpatay sa anay Barangay Kagawad sang Salumping,Esperanza nga si Danny Arzadon sang December 2019.
