Ginpahayag ni VP Sara Duterte nga ginabaton niya ang mga bag-o nga desisyon sang International Criminal Court (ICC) nga may hurisdiksiyon ini kag ang confirmation of charges batok sa iya amay nga si anay Presidente Rodrigo Duterte.
Suno kay VP Sara, bangud sa desisyon sang ICC, kinahanglan na nga mag-move on ang defense team sang anay Presidente kag magpreparar para sa trial.
Gindugang pa niya nga indi nila ginalauman nga ibasura sang ICC ang kaso batok sa iya amay.
Kasubong man ang iya pahayag angot sa confirmation of charges nga ang pinakamaayo nga tikang amo ang paghandum kag preparasyon para sa trial.
Samtang, nagpasalamat man siya sa mga supporter kag nagpahayag sang paglaum nga makapauli na sa Pilipinas ang iya amay sa ulihi.
Sa iya pagbisita, ginpahayag niya nga maayo man kondisyon sang anay Presidente, bisan ginsuhestyunan niya ini nga magpa-physiotherapy apang nagbalibad ini.
Sa pihak nga bahin, ginmandu-an sang Trial Chamber III ang prosekusyon, depensa, kag kampo sang mga biktima nga magsumiter sang ila obserbasyon angot sa padayon nga detensyon ni Duterte tubtob Mayo 8.
Nakatalana man nga pagahimuon ang status conference para sa kaso nga crimes against humanity sa Mayo 27.
