KORONADAL CITY- Kabug-usan nga ₱15,000,000.00 ang gintigana nga pondo sang konseho para sa nasambit nga kalamidad halin sa 30% sini nga quick response fund (QRF) nga nagabalor sang P20,745,966.33.
Ini ang ginkumperma ni Koronadal City Mayor Eliordo U. Ogena sa interview sang Bombo Radyo Koronadal makaligad nga nagsumiter sang mga barangay council resolution ang Barangay San Roque, Topland kag San Jose kaangot sa pagdeklarar sang state of calamity.
madumduman nga nagpatawag sang isa ka pagsinapol sang Abril 26 ang City Disaster Risk Reduction and Management Council (CDRRMC) nga ginapanguhan ni City Mayor Eliordo U. Ogena kaangot sa pagpasaidalom sang syudad sang Koronadal sa state of calamity bangud sa tuman ka init nga panahon.
Ang nasambit naman nga resolusyon sang CDRRMC ang isaka sa Sangguniang Panlungsod para maaprobahan ini kag mausar ang pondo sa tion nga ipaidalom sa state of calamity ang syudad sang Koronadal.
