Arestado na sang Sultan Kudarat Provincial Intelligence Unit ang suspek sa pagpatay sa isa Sk Chairman sang Barangay Lagao,Lambayong, Sultan Kudarat sang Oktubre 18,2025.
Ginkilala ang suspetdado nga 26 anyos, may asawa mangunguma kag residente sang Sitio Delem, Barangay Tuka, Mamasapano, Maguindanao del Sur. Siya ang isa sa mga Most Wanted Persons — Rank No. 9 sa Regional Level, Rank No. 1 sa Provincial Level, kag Rank No. 1 sa Municipal Level.
Ginpatigayon ang operasyon sang tinalikdan nga adlaw sa gin tingob nga pwersa sang Lambayong Municipal Police Station (MPS) upod ang Sultan Kudarat Provincial Intelligence Unit, sa pagpanguna ni PCOL Bernard L. Lao, Provincial Director sang Sultan Kudarat Police Provincial Office (SKPPO).
Base sa imbestigasyon sang mga kapulisan, ang akusado ang isa sa mga nagin kabahin sa pagpaniro nga nagtuga sang kamatayon ni Esmakil Sambilan y Palaguyan, nga amo ang incumbent Barangay Chairman sang Brgy. Lagao, Lambayong, Sultan Kudarat, sang Oktubre 18, 2025, mga alas 3:30 sang hapon, sa atubang sang Evangelista Medical Clinic and Hospital sa National Highway, Purok Inanama, Barangay Poblacion, Lambayong.
Samtang, gindayaw naman sang opisyal ang mga operatiba sa ila malampuson nga operasyon kag sa maayo nga koordinasyon nga nagresulta sa pagdakop sang suspetsado.
