Naglunsyar ang Estados Unidos sang bag-o nga mga pag-atake sa bagatnan sang Iran, partikularmente malapit sa Bandar Abbas.
Gintarget sang US ang mga missile sites kag mga sakayan nga nagatinguha magbutang sang mina.
Ginpahayag sang US Central Command nga ang tikang ginhimo bilang “pagpangapin sa kaugalingon” agud amligan ang ila mga tropa.
Sa pihak sining mga tensyon, ginpahayag ni Iranian foreign ministry spokesman Esmail Baqai nga may nakita nga pag-uswag sa ila mga negosasyon angot sa kalinong upod sa US.
Apang, gin-athag niya nga wala ini nagakahulugan nga malapit na ang pagpirma sang isa ka pormal nga kasugtanan ukon ‘peace deal’.
Samtang wala pa sang pat-od nga kasugtanan, ang pinakamataas nga negotiator sang Iran yara subong sa Doha agud makighinun-anon sa prime minister sang Qatar tuhoy sa potensyal nga kasugtanan sa US.
Madumduman nga ang kinagamo sa tunga sang duha naglala sang Pebrero 28 matapos ang malaparan nga pag-atake sang US kag Israel.
