Dako nga bulig ang volleyball club sa kabataan bangud mahimo ini nga pamaagi agud mapalayo sila sa bisyo.
Ini ang nangin pahayag ni Christopher Gamboa, Co-Founder sang Sugarolls Volleyball Club, sa interview sang Bombo Radyo Koronadal.
Suno kay Gamboa, isa sa mga tumong sang Sugarolls Volleyball Club amo ang makabulig sa komunidad kag ginikanan nga mapalayo sa bisyo ukon adiksyon sa gadgets ang kabataan pinaagi sa paghampang sang volleyball.
Ginpahayag pa niya nga dako man nga bulig sa ikaayong lawas sang kabataan ukon sa tanan nga nagasali sa club, lakip man ang mental health sang players.
Suno pa sa iya nga bukas ang club sa tanan nga luyag maghampang sang volleyball kag ginpabug-atan niya nga ini wala sang registration ukon bayad.
Ginpasiguro man ni Gamboa nga yara sa maayo nga kahimtang ang kabataan sa tion nga sila nagahampang ukon nagasali sang one-day league sa mga barangay ukon munisipalidad sa South Cotabato.
