Ginpasiguro ni Speaker Ferdinand Martin G. Romualdez ang padayon nga suporta kag paghatag sang mga benepisyo sa mga mangunguma sa pungsod.
Sa iya pagtambong sa Agriculture Convergence Event nga ginpatigayon sa Tiaong, Quezon, ginpakita man ni Speaker Romualdez ang labaw nga pagtahod sa mga mag-uuma.
Gin-imbitar si Speaker Romualdez sa event ni Deputy Speaker kag Quezon 2nd District Rep. David “Jay-jay” Suarez diin ginhimo man ang paghatag sang bulig kag palangabuhian sa mga Disadvantaged Displaced Workers (TUPAD) program sang Department of Labor and Employment (DOLE).
Ang mga inisyatibo kag mga aksiyon nga ginahimo sang Kongreso, suno kay Speaker Romualdez, amo ang handum ni Presidente Ferdinand Marcos Jr. nga pasanyugon ang sektor sang agrikultura kag mapabaskog ang kabuhi sang mga Pilipino.
Ang naha-highlight sa pagtipon amo ang paghatag sang ayuda sa halos 4,000 ka mga mag-uuma sa idalom sang TUPAD sa simple nga seremonya sa Tiaong Convention Center.
