Wala dapat ikakabalaka ang mga residente sang South Cotabato suno kay Dr. Rogelio Aturdido, Jr., ang Interegated Provincial Health Officer sang probinsya bangud madali matapna ang MPOX pinaagi sa tama nga personal hygiene, disinfection kag athag nga edukasyon angot sa nasambit nga balatian.
Ini angot sa pagkumpirmar sang DOH XII nga may yara sang dalawa (2) ka suspected cases sang MPOX sa rehiyon. Ang mga suspected indibidwal nga nakaangkon sang balatian kay lunsay mga residente sang Cotabato Province kag naka-eksperyensyar sang hilanat, pagpalanakit sang lawas, kag nakitaan sang presensya sang mga rashes kag skin lesions sa magkalain-lain nga parte sang ila nga lawas. Na-isolate na kag nakwaan na sang sample ang duha ka individual kag ginpaidalom na sa confirmatory test sang Research Institute for Tropical Medicine ukon RITM sa Metro Manila.
Suno kay Aturdido, nasa 10 percent ang mortality rate sang MPOX kag ‘treatable’ naman ang mga sintomas sini.
Ginpa-athag man sang opisyal nga para maka-fully recover ang isa ka individual nga nag-positibo, kinahanglan ini mag-isolate sang 21 days para hindi na makahawa.
Sa dugang, ginapasangkad sang Provincial Government sang South Cotabato ang information drive agud mahibaluan sang mga residente ang ila himuon kun sila makabatyag sang sintomas ukon naka-close contact sa isa ka indibidwal nga nakitaan sang manipestasyon sang MPOX.
