Ginpahayag ni anay Senate President Tito Sotto nga ginahulat niya kun tumanon ni Senate President Alan Peter Cayetano ang iya nauna nga pahayag nga gilayon pag-constitute sang Senado bilang impeachment court sa tion nga mabaton ang Articles of Impeachment.
Ginpahayag ni Sotto ang ila pag-istorya ni Cayetano kasunod sang madinalag-on nga pag-ilis sang liderato sang Senado sang Lunes, Mayo 11.
Suno kay Sotto, ginpahanumdom niya si Cayetano nga sa adlaw mismo nga mabaton niya ang Articles of Impeachment, ipahibalo dayon ini sa iya mga kaupdanan nga senador.
Sa masunod nga adlaw, kinahanglan na, suno sa iya, nga mag-constitute kag mag-convene ang Senado bilang impeachment court.
Nagpanugyan man si Cayetano nga tumanon niya ang sini nga suhestiyon ni Sotto, apang suno sa anay Senate President, ang tion pa lamang ang makasiling kun matuman ini, samtang padayon niya nga ginabantayan ang mga masunod nga hitabo sa Senado.
