Nagapadayon ang hot pursuit operation sang mga otoridad agud madakpan ang suspek matapos ma buno kag mapatay ang isa ka 62-anyos nga senior citizen sa Purok Basak, Barangay Magon, Tantangan, South Cotabato, pasado alas-7 sang gab-i sang Domingo, Nobyembre 16,2025.
Ginkilala ang biktima sa kay Jimmy Pasquin, samtang ang suspek nga nakapalagyo amo ang ginatawag sa alyas “Joey,” yara sa legal nga pangidaron kag isa ka mangunguma, nga pareho nga residente sang nasambit nga Barangay.
Sandig inisyal nga imbestigasyon, nagbaisayay ang duha samtang nagainum tubtob nga nag-abot nga gin buno sang suspek ang biktima. Nakaangkon naman sang madamo nga pilas sa nagkalain-lain nga bahin sang lawas ang biktima.
Pagkatapos sang insidente, gilayon nga nagpalagyo ang suspek sa indi matumod nga direksyon. Samtang, gilayon man nga gindala si Pasquin sa ospital apang napatay ini samtang gina bulong.
Sa karon padayon nag gina pangita sang mga awtoridad ang suspek may kahilabtanan sa krimen.
