Gin-almahan ni Senate Majority Leader Juan Miguel “Migz” Zubiri ang alegasyon ni anay DPWH Secretary Manuel Bonoan nga may P24 bilyon nga “leadership fund” para sa mga senador sa 2024 national budget.
Suno kay Zubiri, wala siya nag-request, nagtipig ukon nagdumala sang listahan sang mga proyekto nga ginapangayo sang iya mga kasubong nga senador.
Ginpahayag niya nga ang mga request para sa mga proyekto ginapadala sa Senate Finance Committee, nga amo ang nagadumala sang proseso sang budget.
Suno pa kay Zubiri nga wala sang malain sa institutional amendments sa national budget, basta wala nagapanginlabot ang mga senador sa pagpili sang contractor ukon sa implementasyon sang mga proyekto.
Dugang niya, dapat husto ang pagpatuman sang mga proyekto kag wala sang ghost, substandard ukon overpriced nga proyekto nga resulta sang personal nga impluwensya sang mga mamalidha.
Samtang, si Bonoan nag-angkon sa iya testimonya nga may P24 bilyon nga leadership fund nga gin-alegar ginbahin sa mga senador, nga suno sa iya yara sa discretion sang anay Senate President Zubiri.
