Posible nga magpagwa sang resolusyon ang Senado sang Pilipinas kasunod sang kontrobersyal nga mga pahayag ni Chinese Ambassador to the Philippines Jing Quan parte sa tensiyon sa West Philippine Sea.
Suno kay Sen. Joseph Victor “JV” Ejercito, ginatalakay na sang mga senador ang posibilidad nga ideklarar si Jing bilang persona non grata ukon indi na pagbatunon nga representante sang China sa Pilipinas. Apang, wala pa sang pinal nga desisyon ang Senado sa sini nga tikang.
Ginkabig ni Ejercito nga “very rude, hostile, and undiplomatic” ang mga pahayag sang embahador, lakip ang iya komento nga mahimo madali lang mapierdi sang China ang Pilipinas kon maggamit ini sang puwersa.
Suno sa senador, mahimo hunahunaon sang Beijing ang pag-ilis kay Jing agud malikawan ang dugang nga tensiyon kag mapauswag ang relasyon sang duha ka pungsod.
Ini ang kasunod sang panawagan sang pila ka mamalidha nga ideklarar si Jing nga persona non grata. Ginhangkat naman sang Chinese Embassy ang mga mamalidha nga ipadayon ang amo nga tikang.
Padayon nga ginabantayan ang sitwasyon samtang nagapabilin ang tensiyon sa relasyon sang Pilipinas kag China, ilabi na sa nagapadayon nga away sa West Philippine Sea.
