Napilitan si Senador Imee Marcos nga bawion ang video presentation nga iya ginpakita sa Senate plenary session sang Lunes, Mayo 25, 2026, angut sa ginaalegar “Charter Change” nga plano may kaangtanan sa 2028 Elections.
Sa session, ginpakita ni Marcos ang video nga naga-unod sang mga alegasyon batok sa pila ka mga kaupod nga senador nga ginaalegar nagaduso kay Cha-Cha agud gub-on ang 2028 elections.
Apang, gilayon ini nga ginpanginwala sang mga katapo sang minority bloc kag gintawag ini nga “fake news” kag isa ka malisyoso nga presentasyon.
Mabaskog nga ginpamatok ni Senator Migz Zubiri ang nasambit nga video kag nagpanindugan nga indi dapat madalahig ang iban nga mga senador sa mga alegasyon.
Matapos ang pila ka mga pagbaisay sa session, ginkakas ni Marcos ang materyal nga iya ginpakita kag ginpahayag nga nasakitan siya sa reaksyon sang iya mga kaupod nga mamalidha.
Sa pihak sini, ginpanindugan sang senadora ang iya panawagan nga siguraduhon nga wala sang term extension nga matabo kag magapadayon ang 2028 Elections.
Gilayon nga nagpasugot si Zubiri, nga nagasiling nga luyag sang tanan nga senador nga magpadayon ang 2028 nga eleksyon.
