Magapadayon sa Nobyembre 9, 2026, ang impeachment trial ni Vice President Sara Duterte sa Senate Impeachment Court, apang indi na magaserbe nga testigo sang depensa si Dean Ralph A. Sarmiento.
Madumduman nga una nga ginhingyo sang defense team sa tribunal ang pagpagwa sang subpoena duces tecum ad testificandum agud mapatawag si Sarmiento bilang una nila nga testigo.
Madumduman nga si Sarmiento amo ang anay Vice Chancellor for Administration sang University of St. La Salle kag isa ka propesor sa Political kag Constitutional Law.
Ginapaabot nga maghatag siya sang testimonya parte sa mga legal kag konstitusyonal nga prinsipyo nga may kaangtanan sa impeachment case kag Article II.
Apang, nagdesisyon ini nga mag-atras sa iya pagtestigo agud mapabilin ang independensya sang iya academic research kag ang patas sang iya mga legal nga panan-aw.
Sa pihak sini, ginapahanumdom nga nakatalana ang masunod nga mga hearing sang impeachment court sa Nobyembre 10, 11, 12, 13, 19, 20 kag 23.
Tubtob sa karon, wala pa ginapahibalo sang defense team kun sin-o ang ital-os kay Sarmiento bilang ila testigo sa masunod nga mga impeachment trial.
