Gin-usisa ni Senator-Judge Tito Sotto ang posible nga mga silot nga maatubang sang mga testigo nga magahatag sang butig nga testimonya sa impeachment trial batok kay Vice President Sara Duterte.
Sa ika-41 nga adlaw sang impeachment trial sini nga Martes, ginpamangkot ni Sotto si Presiding Officer Francis “Chiz” Escudero kon ano nga mga kaso ukon penalidad ang mahimo ipatuman sa mga testigo nga magbinutig sa ila mga pahayag.
Suno kay Sotto, importante nga maathag ang mga nagakaigo nga silot agud mangin paandam sa mga testigo, prosekusyon kag depensa nga maghatag sang matuod nga testimonya.
Sabat naman ni Escudero, mahimo maharap sa contempt of court ang bisan sin-o nga maglapas sa mga patakaran sang impeachment court.
Mahimo man nga pasakaan sang kaso nga perjury ang mga testigo nga mapamatud-an nga naghatag sang butig nga testimonya sa idalom sang panumpa.
