Nagalaum si Senate impeachment court Presiding Officer Francis “Chiz” Escudero nga matapos na antes ang Pasko ukon Bag-o nga Tuig ang nagapadayon nga impeachment trial batok kay Vice President Sara Duterte.
Apang gin-athag ni Escudero nga wala sang natalana nga eksakto nga timeline ang Senado para sa pagtakop sang impeachment trial bangud nagadepende ini sa pag-uswag sang presentasyon sang ebidensya kag testimonya sang kampo sang depensa.
Suno sa iya, kada bulan nagapagwa ang Senado sang bag-o nga iskedyul sang pagdinig agud maangot ini sa mga posible nga matabo sa proseso sang trial.
Dugang pa ni Escudero, handum niya nga matapos ang kaso antes magsulod ang 2027 agud makapadayon na ang Senado sa iban pa nga mga buluhaton kag indi na kinahanglan balikan ang impeachment proceedings sa masunod nga tuig.
