Milagroso nga naluwas ang kabuhi sang isa ka 43-anyos nga security guard matapos ini ma-trap sang walo ka adlaw sa idalom sang nagguho nga bilding bangud sang duha ka magkasunod nga linog nga nagluntad sa Venezuela.
Ginkilala ang survivor nga si Hernán Alberto Gil Flores, nga nagatrabaho bilang night watch guard sa isa ka pito ka panalgan nga shopping center.
Nagpabilin siya nga luwas sa sulod sang iya security booth sa basement sang bilding. Suno sa mga otoridad, nagpabilin nga matibay ang booth kag naghimo sang isa ka “air pocket” ukon espasyo nga may hangin sa tunga sang nahugno nga estruktura.
Natabo ang insidente sa siyudad sang Catia La Mar sa estado sang La Guaira, nga isa sa mga lugar nga pinakanaapektuhan sang linog.
Sobra 100 ka oras ang gin-gugol sang mga bombero kag rescue workers agud makutkot kag maluwas si Gil sa idalom sang ginabulubanta nga 140 tonelada nga narumpag nga semento.
Madumduman nga sang Hunyo 24, 2026, gintay-og ang naaminhan nga baybayon sang Venezuela sang duha ka mabaskog nga linog nga may magnitude 7.2 kag 7.5.
