Ginapaabot nga magabisita sa Pilipinas si United States President Donald Trump sa bulan sang Nobyembre agud magtambong sa ika-49 nga ASEAN Summit nga pagahiwaton sa Metro Manila.
Ginkumpirma ini sang Malacañang sang Oktubre 14, 2026, samtang ginapaabot man ang pagtambong sang nagkalain-lain nga mga lider sang Association of Southeast Asian Nations (ASEAN) kag sang ila mga partner countries para sa mga diskusyon tuhoy sa mga isyu sa rehiyon kag pagpalig-on sang relasyon diplomatiko.
Apang, wala pa nagapaguwa ang Palasyo sang kompleto nga detalye tuhoy sa iskedyul ni Trump, lakip na ang posibilidad sang mga pag-istoryahanay may kaangtanan sa Pax Silica.
Ginapaabot man ang pagtambong ni Indian Prime Minister Narendra Modi sa mga kaupod nga pagpulong sa nasambit nga summit.
Madumduman nga katapusan nga nagbisita si Trump sa Pilipinas sang Nobyembre 2017, sa panahon sang administrasyon ni anay Presidente Rodrigo Duterte, agud magtambong sa ika-31 nga ASEAN Summit.
Samtang, bilang host sang ika-49 nga ASEAN Summit, nagdeklarar ang gobyerno sang tatlo ka adlaw nga special non-working days sa Metro Manila halin Nobyembre 16 tubtob 18, 2026, agud mabuligan ang pagdumala sang trapiko kag ang preparasyon sa seguridad para sa mga lider kag delegado nga magatambong sa summit.
