Masobra 9 ka tawo ang napatay kag madamo ang napilasan matapos maglunsyar ang Russia sang malawigon nga overnight missile kag drone strikes sa nagkalainlain nga mga siyudad sa Ukraine.
Sa Dnipro, lima ka tawo ang napatay kag 25 ang napilasan.
Sa Kyiv naman, apat ang napatay kag indi magnubo sa 51 ang napilasan, samtang may kahadlok nga may mga tawo nga natabunan sang debris matapos maigo ang duha ka mataas nga apartment buildings.
Suno sa mga opisyal sang Kyiv, ballistic missiles ang ginamit sa pag-atake nga nagresulta sa sunog, pagkadula sang kuryente kag pagkaguba sang mga residential kag industrial areas.
Nagpaandam man si Ukrainian President Volodymyr Zelensky nga posible pa ang mas dako nga pag-atake kag ginhingyo ang publiko nga magpabilin sa mga shelter.
Samtang, ginreport man ang isa ka drone attack sa Russia nga nagdulot sang sunog sa Ilsky Oil Refinery sa Krasnodar Krai, apang wala sang napagkit nga napatay.
Ang mga pag-atake kabahin sang nagalala nga pagbininalay sang strikes sa tunga sang Russia kag Ukraine matapos matapos ang temporaryo nga ceasfire sang nagligad nga Mayo.
