Nagaplano ang Gilas Pilipinas nga magpatigayon sang training camp sa Seremban, Malaysia bilang preparasyon sa masunod nga window sang FIBA Basketball World Cup Asian Qualifiers sa Nobyembre.
Suno kay Samahang Basketbol ng Pilipinas (SBP) executive director Erika Dy, kabahin sa plano ni head coach Tim Cone ang pag-ensayo sa isa ka pungsod sa Southeast Asia agud mapauswag ang preprasyon kag teamwork sang koponan.
Dugang ni Dy, posible nga paagahon ang training camp sa Malaysia.
Apang, kun indi ini matigayon, sa Pilipinas na lamang ipahigayon ang ila ensayo antes ang masunod nga mga hampang.
May rekord ang Gilas Pilipinas nga apat ka kadalag-an kag apat ka kapierdehan sa Asian Qualifiers.
Target sang koponan nga mapauswag pa ang ila performance sa masunod nga FIBA window.
Una nga magaatubang ang Gilas sa Syria sa Nobyembre 27, antes ang rematch kontra Iran sa Nobyembre 29.
Ginapaabot nga gamiton sang koponan ang tion sa pag-ensayo agud mapabakod ang ila estratehiya kag mangin preparado sa duha ka importante nga hampang.
