Rollback sa presyo sang gatong, ginpatuman

Sa katapusan nga kahigayunan subong nga bulan sang Hulyo, nagpatuman sang rollback sa presyo ang mga kumbuyuhan sang gatong sa pungsod.

Sa abiso sang nagkalain-lain nga kompaniyta, P0.75 ang ginbuhin sa presyo sang kada litro sang gasolina, P0.85 sa kurudo kag P0.80 sa kada litro sang kerosene.

Ang ginpatuman nga buhin sa presyo sang gatong subong nga adlaw sang Martes, Hulyo 30, ang tuga sang padayon nga paghulag sang presyo sa pangkalibutanon nga merkado.