Ginasuguran na ang pagproseso para sa repatriation sang mga bangkay sang tatlo (3) ka Overseas Filipino Workers (OFWs) nga napatay sa sunog sa isa ka dormitoryo sa Kuwait.
Suno kay Overseas Workers Welfare Administration (OWWA) administrator Arnel Ignacio, temprano sila nga nagsabat sa panginahanglanon sang mga Pilipino nga naapektuhan sa insidente.
Madumduman nga una nga ginkumpirmar ni Department of Migrant Workers Sec. Hans Leo Cacdac nga napatay ang 3 OFWs gikan sa smoke inhalation.
Kabahin ang 3 ka biktima sa 11 OFWs nga nagatrabaho sa isa ka Kuwaiti construction company nga nagaistar sa nasunog nga edifisyo.
Yara sa duha pa ka OFWs ang nagapabilin sa kritikal nga kondisyon samtang ang nabilin nga 6 naman ang luwas sa insidente.
Nagapadayon naman ang imbestigasyon sang mga otoridad sa gintunaan sang pagkasunog sang dormitoryo nga gintunaan sang kamatayon sang 49 ka mga biktima.
