KORONADAL CITY – Naaresto sang mga otoridad partikular na sang 1205th Maneuver Company sang Regional Mobile Force Battalion 12 sa pagpanguna sang deputy commander nga si PCPT Jesse Macalib-og, ang ginakabig nga rank 7 most wanted person regional level nga may kaso nga murder sa Sitio Alyong, Brgy. Danlag, Tampakan, South Cotabato.
Ang nasambit nga operasyon nga ginpatigayon ang may koordinasyon sa Tampakan Municipal Police Station, Regional Intelligence Unit, South Cotabato Provincial Mobile Force Company, kag Criminal Investigation and Detection Group, South Cotabato Provincial Field Unit, sa idalom sang supervision ni PLTCOL Roy Romualdo, Officer-In-Charge, Regional Mobile Force Battalion 12.
Kaangot sini, ginapasalig sang mga otoridad ang padayon nga pagbantay sa palibot agud nga masiguro ang kalinong kag katawhayan sa bug-os nga rehiyon.
