Gina-awhag ang publiko nga kinahanglan mag halong sa mga dalanon ukon sa pag byahe ilabi na sa adlaw sang All Saints kag All Souls Day bangud gina lauman nga madamo ang mag bisita sa tag-sa tag-sa ka mga sementeryo.
Sa interview sang Bombo Radyo Koronadal kay Nanay Gemma Boston, Ginapahayag sini nga sa subong nga adlaw sang Biyernes indi pa ma sako ang sitwasyon sa YBL Terminal, Bangud kay ma gamay pa lang ang mga nagabyahe pakadto sa mga sementeryo. Dugang pa niya, nagpreparar na siya sang nagligad nga binulan para sa umalabot nga pagbisita sa mga nagtaliwan nga pinalangga sa kabuhi, agud indi siya mabudlayan kun magdamo na ang mga magbisita sa sementeryo.
Sa pihak nga bahin padayon naman ang panawagan naman sang mga awtoridad nga indi mag dala sang delikdado nga mga bagay kung mag kadto sa mga sementeryo kag likawan ang mag maneho nga naka inom sang maka hulubog nga ilim-non.
