Nagpaandam si House prosecutor kag Bicol Saro Party-list Representative Terry Ridon nga posible magresulta sa procurement complaint ang Senado kun aprubahan ang pangabay ni Vice President Sara Duterte nga ang Senate Impeachment Court ang magdumala sang pagkaon kag iban pa nga logistical expenses sang iya defense team sa impeachment trial.
Suno kay Ridon, nagaguwa nga luyag sang kampo sang Bise Presidente nga gamiton ang ila kaugalingon nga caterer samtang ang Senado ang mabayad sang gasto, nga mahimo magtuga sang isyu sa procurement process.
Ginpabutyag man niya nga wala sang obligasyon ang Senate Impeachment Court nga magsabat sa galastuson sang pagkaon ukon iban pa sang prosecution ukon defense panel.
Dugang pa ni Ridon, may yara man sang igo nga pondo ang Office of the Vice President kag ang House of Representatives para sa ila partisipasyon sa impeachment proceedings.
Sa pihak sini, ginpahayag ni Ridon nga yara na sa Senado ang desisyon kun pagabatunon ukon balibadan ang nasambit nga pangabay sang kampo ni Vice President Duterte.
