-- ADVERTISEMENT --
Natapos na ang 15 ka tuig nga pagserbe ni Sheikh Hasina bilang prime minister sang Bangladesh matapos ini magbiya sa puwesto, matapos ang mga hublag-protesta nga nagresulta sa ginatos nga kamatayon.
Base sa report, nagbiya si Prime Minister Sheikh Hasina sakay sa helicopter matapos ginsulong ang palasyo sa Dhaka sang mga nagaprotesta nga nagresulta sa kinagamo sa tunga sang kapulisan kag mga nagaprotesta.
Nahibaluan, ginatos ang nagkalamatay lakip na ang 13 ka mga pulis.
Samtang, gin-anunsyo ni General Waker-Uz-Zaman, tagpamuno sang army sang Bangladesh, nga ang militar ang magadumala sang gobyerno kag pumuluyo samtang wala pa sang magapungko sa puwesto.
