Nag-abante na ang Portugal matapos maperdi ang Croatia sa iskor nga 2-1, nga nagpakita sang dominasyon paagi sa 62% ball possession kag 92% pass accuracy.
Una nakaiskor ang Croatia pinaagi kay Ivan Perišić sa ika-53 minuto.
Apang nakabalos gilayon si Cristiano Ronaldo sa ika-68 minuto paagi sa penalty kick agud magdraw ang hampang sa 1-1.
Bangud sini, naghimo sa liwat sang maragtas si Ronaldo bilang pinakatigulang nga football player nga nakaiskor sa knockout stage sang FIFA World Cup.
Sa ika-94 minuto, ginsiguro ni Gonçalo Ramos ang kadalag-an sang Portugal matapos masal-ot ang header halin sa cross ni Rafael Leão, nga nagtapos sa hampang sa 2-1.
Bangud sang kadalag-an, padayon ang kampanya sang football legend nga si Ronaldo sa World Cup, samtang ini naman ang katapusan nga World Cup appearance sang Croatian star nga si Luka Modrić.
Madason naman nga magaatubang ang Portugal sa Espanya sa Round of 16 sa Hulyo 6 sa nagapadayon nga FIFA World Cup 2026.
