Ginpangunahan ni Pope Leo XIV ang Chrism Mass kahapon nga adlaw, Huwebes Santo, Abril 2 sa St. Peter’s Basilica sa Vatican, kun sa diin ginbasbasan ang mga balaan nga langis para sa mga sakramento sa bug-os nga tuig.
Gintambongan ini sang mga obispo kag pari nga nag-renew sang ila mga promisa sa bokasyon.
Ginpabugal man sang Santo Papa sa iya homilya ang pag-umpisa sang Easter Triduum, ang pinaka-sagrado nga panahon sa Semana Santa.
Ginsentro ang misyon sang Diyos para sa mga Kristiyano, nga kasubong sang misyon ni Hesus.
Ginpagnilayan man niya ang tatlo ka aspeto sang Christian mission amo ang detachment, encounter, kag posibilidad sang indi pag-intindihanay.
Sa kabug-usan, gin-awhag man sang Santo Papa ang mga Kristiyano nga magbalibad sa indi mayo nga butang kag magpahayag sang maayo nga balita sa kamatayon kag pagkabanhaw ni Kristo Hesus.
