Nakita na sa liwat sang publiko sa una nga tion ang 88 anyos nga santo papa sa isa ka balkonahe sa ospital sang Gemelli sa Rome matapos ang masobra lima ka semana sini sa balay-bulolngan.
Maduduman nga gindangat sa balay-bulolngan ang Santo Papa sang Pebrero 14 bangud sa isa ka madako nga impeksiyon sa baga nga nangin tunaan sang pagluya sini sa sulod sag 12 ka tuig nga pag-pungko bilang santo papa.
Suno sa mga doktor sang santo papa, nga kinanglan pa sang malaba nga panahon agud mabawi ang kusog sang iya lawas, kag gin sugo man nga magpahuway ini sa sulod saan 2 ka bulan sa Vatican.
Naghatag man si Pope Francis sang pagpasalamat gamit man ang iya mahinay nga boses sa isaka miyembro sang publiko nga nagdala sang bulak.
Samtang, ini pa lang ang una nga bes nga nakita sang publiko sang personal ang Santo Papa humalin sang na-ospital ini bangud sa pneumonia.
