KORONADAL CITY– Naglab-ot sa masobra 11,500 fully grown marijuana ang nabunot sang mga otoridad sa hilit nga Sitio sang Magulo, Barangay Miasong, Tupi, South Cotabato.
Ini ang ginkumpirmar ni South Cotabato Provincial Director Police Col. Nathaniel Villegas sa interbyu sang Bombo Radyo Koronadal.
Suno kay Villegas, yara sa masobra P2.3M ang kantidad sang illegal nga tanom nga nabunot sang mga otoridad.
Dugang pa ni Villegas, ang pagkatukib sa marijuana plantation ang pamatuod nga wala nagamadinalag-on ang sin-u-man nga nagapatigayon sang kalainan sa probinsiya.
Gilayon naman nga ginsunog ang mga nabunot nga mga marijuana sa lugar.
Kadungan sini, ginpasiguro ni Villegas nga pahugtan pa sang kapulisan ang kampanya batuk sa iligal nga droga labi na sa underground cultivators sang marijuana plants.
Sasampahan naman ng kasong paglabag sa Comprehensive Dangerous Drugs Act ang tatlong mga cultivator ng marijuana plantation.
