Nagpaandam ang apat ka dalagkuan kag nagapanguna nga pangkalibutanon nga institusyon nga ang nagapadayon nga kinagamo sa Middle East nagadala sang nagadako nga halit sa suplay sang enerhiya, seguridad sa pagkaon, kag pangkalibutanon nga ekonomiya./
Ginpahayag sang International Energy Agency (IEA), International Monetary Fund (IMF), World Bank Group (WBG), kag World Trade Organization (WTO) nga apisar nagapabilin nga malig-on ang world economic, mas mabug-at ang epekto sang kinagamo sa mga mahuyang nga pungsod bangud sang pagsaka sang presyo sang gatong kag abono, kag sang nagadugang nga uncertainty sa merkado.
Suno sa mga institusyon, madasig man nga nagakunhod ang world inventory sang petrolyo bangud sang mga pagkadelatar sa suplay nga nagaagi sa Strait of Hormuz.
Nagpaandam sila nga kun magpadayon ang mga pagdelatar sa shipping kag suplay sang enerhiya, mahimo ini magdala sang mas dako nga isyu sa seguridad sang gatong, kahimtangan sang merkado, kag kalig-on sang pangkalibutannon nga ekonomiya.
