Padayon nga makabatyag ang Pilipinas sang La Niña-like conditions tubtob sa bulan sang Marso ini suno sa Philippine Atmospheric, Geophysical and Astronomical Services Administration (PAGASA).
Ginpa-athag sang PAGASA Climate Monitoring and Prediction Section chief Ana Liza Solis nga yara na sa La Niña alert ang pungsod humalin pa sang Hulyo sang naglabay nga tuig apang wala ini nakalab-ot sa nasambit nga threshold agud magdeklara sang La Niña season.
Matukiban man sa karon nga madamo sang naeksperensyahan nga weather system sa pungsod sa karon patas sang shear line bangod may upod ini nga La Niña nga makusog nga easterlies.
Bangod sini pahinumdom sang bureau sa publiko gna indi magkompyansa bangod madamo nga weather system ang posible nga magpa-ulan kag magtuga sang pagbaha kag pagtiphag sang duta sa masunod nga mga adlaw.
