KORONADAL CITY – Nagapangabay ang pamilya sang isa sa mga biktima sang isa ka vehicular accident sa kalabaon sang Purok 3, Crossing Rubber, Tupi, South Cotabato nga napatay sang October 26, 2024 nga kun mahimo, dugangan ang suga sa dalanon agud nga mas mangin luwas ang mga nagabiyahe sa tion sang kagab-ihon.
Suno kay Eugene Aceñas, bayaw ni Glykiel Jade Bico, instructot sang SEAIT kag isa sa mga napatay sa aksidente, may tyansa pa tani nga masalbar ang kabuhi ni Glykiel kun nalantaw lang sang maayo sang otoriad ang lugar sang aksidente.
Apang ulihi na nila nakumpirma nga tatlo ang nangin biktima sang aksidente matapos masapwan ini.
Sa una nga imbestigasyon sang Tupi PNP, ulihi na nakit-an si Glykiel bangod nagtabog ini sa kahilamunan nga may kalayuon sa natabo nga aksidente.
Apang naguwa suno pa nga si Glykiel ang malapit lamang sa natabo nga aksidente bangod 4 meters lang ang kalayuon sini samtang ang duha 37 meters away ang gintabugan.
Gani, nagapanwagan si Aceñas nga aksyonan sang local government, indi lang bangod sa natabo sa iya nga utod pati man sa asod-asod nga aksidente nga nagaluntad sa Tupi.
Nagaapela sila nga kuntani mabutangan sang mga suga kag center island agod malikawan ang mga amo sini nga aksidente.
Madumduman nga sakay sang motorsiklo si Glykiel upod ang co-teacher sini sa SEAIT kag isa pa ka estudyante sang mabunggo sa nakasugata nga cargo van nga ginapanag-iyahan sang isa ka Telecommunication company kun diin bangud sa kabaskog sang impact sang aksidente nagtalabog ang mga ini kag lunsay ginbawian sang kabuhi.
