KORONADAL CITY – Nabalaka karon ang pamilya sang nagaisahaon nga complainant sa kaso nga administratibo nga ginpasaka batuk kay Mayor Keo Dayle Tuan kag iban pa nga opisyal sang nasambit nga banwa.
Ini bangud may nga tawo na nga indi nila kilala nga nagapangita kag nagapamangkot angot sa iya matapos nga masumiter sini ang complaint sa Sangguniang Panlalalwigan sang South Cotabato.
Sa eksklusibo nga interview sang Bombo Radyo kay Gng. Evelyn Montil, wala man suno pa siya nahadlok sa iya seguridad apang natingala lamang siya nga may drone na nga nagalibot-libot kag ginapalupad sa ginaistaran sini nga panimalay.
Suno pa sa iya, kung siya ang tuyo sang sin-u-man nga mga tawo nga ini siya ang kadtuan kag istoryahon kag indi na pagdalahigon ang iya pamilya.
Gin-insister man sini nga wala sang anuman nga political motive ang pagfile niya sang administrative case kundi ang lugay sini nga maathagan lang ang tanan para sa mga taga banwa sang T’boli.
Tuman ka unfair suno pa sa mga magamay nga negosyante sa T’boli nga nagabayad sang buwis ukon real property tax kun ikumparar sa nagapanag-iya sang hotel nga may ikasarang naman nga magbayad pero naka-avail pa sang tax incentives paagi sa resolution nga ginpasar sang Sangguniang Bayan nga ginpirmahan man sang alkalde.
Dugang pa ni Montil, anuman ang mangin desisyon sang Sangguniang Panlalawigan sa complaint sini ang iya man nga pagarespetuhon.
Samtang, ginsaysay man ni Montil nga ang pamilya sini ang biktima man sang pag-pang-agaw sang duta sang pamilya Tuan apang bangud nga nagpanikasog siya nabawi nila ini.
Sa karon, nagalaum si Montil nga magaserbe nga eye opener sa tanan ang natabo sa T’boli kag magtindog ang mga pumuluyo sa kamatuoran.
