Nanindugan si Palace Press Officer Usec. Claire Castro nga wala sang mangin negatibo nga epekto sa mga mangunguma sa Tarlac ang ginaplano nga Pax Silica project.Ini kasunod sang ginaduso ni Senator Imee Marcos nga Senate inquiry nahanungod sa nasambit nga proyekto agod masusi ang posible nga epekto sini sa mga residente kag sektor sang agrikultura.
Suno kay Castro, may yara na sang ginatawag nga “buildable areas” halin pa sang 2019 para sa Pax Silica initiative nga may kalaparon nga 3,500 hectares. Ginpahayag man niya nga indi ang bug-os nga lugar pagagamiton para sa konstruksyon bangod may yara sang ginreserba nga mga espasyo para sa pagpreserbar sang palibot.
Lakip sa 6,000 hectares para sa open green spaces, forest reserves, kag mga designated zones para sa upland farming.Ginpasiguro sang Palasyo nga ginakonsiderar sa proyekto ang pagpanalipod sa palibot kag interes sang mga mangunguma samtang ginapadayon ang pag-uswag sang lugar.
