-- ADVERTISEMENT --

Napilitan nga magpalagyo sa ila temporary shelters ang dose-dosena ka mga Palestinian sa sentral nga Gaza kasunod sang pagbalik sang mga land operation sang Israel sa isa ka lugar nga ginbakantehan sang ila mga tropa sa idalom sang isa ka kasugtanan sa ceasefire sang Oktubre 2025.

Suno sa militar sang Israel, ang operasyon ang nakatutok sa pagguba sang isa ka tanel nga ginakabig nga pamahog sa seguridad sang ila mga soldado.

Nagpaguwa man ini sang warning para sa mga sibilyan nga magpalayo sa apektado nga lugar.

Ginkondenar sang Hamas ang operasyon, nga nagapamatuod nga ini nagabug-os sang paglapas sa nagaluntad nga kasugtanan sa ceasefire.

Sa kahadlok sa pagpasangkad sang opensiba, napilitan ang mga pumuluyo nga mag-ibakwit—lakip ang mga pamilya nga nadulaan sang ila mga puluy-an sing madamo nga beses halin sang nagumpisa ang inaway sang 2023.

Samtang, ang mga Palestinian medics nagreport sang mga napatay halin sa separado nga mga pag-atake sang Israel sa Gaza sang Miyerkules, nga labi nga naghatag sang mga kabalaka nahanungod sa kahimtangan sang mga sibilyan sa lugar.