Ginsabat ni Presidential Communications Office Undersecretary Claire Castro si House Assistant Minority Leader kag Kabataan Party-list Rep. Renee Co matapos niya kwestyunon ang paghatag sang honorary Doctor of Laws degree kay Presidente Ferdinand Marcos Jr. sang Pamantasan ng Lungsod ng Maynila (PLM).
Madumduman nga ginhatagan sang PLM si Marcos sang honorary Doctor of Laws (Honoris Causa) sang Agosto 27, nga nangin sentro sang mga kritisismo sa social media.
Suno kay Co, nga isa man ka abogado, ang paghatag sang degree isa ka insulto sa ginatos nga mga abogado nga nagtuon kag nagtinguha nga mapauswag ang ila ihibalo sa layi agod makaserbisyo sa mga pinaka-dawaton nga sektor sang sosyodad.
Ginpahayag niya nga baliskad sa sini ang ginakabig niya nga record ni Marcos.
Sa isa ka video message, ginpahayag ni Castro nga ang kritisismo ni Co nagapakita sang pagkamapahitas-on sa baylo nga husto nga legal nga pangatarungan.
Suno kay Castro, ang mga nahimo kag naangkon ni Marcos amo ang mga butang nga posible wala pa nahimo ni Co.
Ginmentyonar man niya nga wala pa suno pa nakaluwas si Co sang kabuhi sang isa ka tawo halin sa sitwasyon nga sigurado na kuntani ang death penalty.
Gindugang ni Castro nga madamo sa mga nagakritisismo online ang posible nga wala nakahangop sang bug-os kun ano ang kahulugan sang “honoris causa” ukon honorary degree.
