-- ADVERTISEMENT --

Nagpabutyag sang kalipay kag pagpasalamat ang kilala nga Filipino fashion designer nga si Francis Libiran matapos nga nangin kabahin sang 49th ASEAN Summit paagi sa iya disenyo nga ginsuksok ni First Lady Louise Araneta Marcos.

Sa isa ka post sa social media, ginlaragway ni Libiran nga isa ka talagsahon kag indi malipatan nga eksperyensya ang oportunidad nga maka-design sang bayo para sa First Lady kag makarepresentar sa Pilipinas paagi sa iya talento sa fashion design.

Suno sa designer, isa ini ka tion agud mapakita sa internasyonal nga entablado ang talento, creativeness kag kaabtik sang mga Pilipino sa patag sang fashion kag craftsmanship.

Ginpasalamatan man ni Libiran ang First Lady sa pagsalig kag paghatag sa iya sang oportunidad nga mangin kabahin sang sini nga importante nga okasyon.