Indi magnubo sa 12 ka mga tawo sa Afghanistan ang napatay sa liwat nga pag-atake sang Pakistan malapit sa ila border, suno sa Afghan government officials kag sa local sources.
Pahayag ni Afghan government spokesman Zabihullah Mujahid, nga liwat nga naglapas ang Pakistani military sa airspace sang Afghanistan kag ginbomba ang pamalay sang mga sibilyan sa mga probinsya sang Kunar, Khost, kag Paktika.
Bangud sini suno sa iya, 11 ka kabataan, isa ka babayi, kag isa ka tigulang nga lalaki ang napatay.
Wala gilayon magkomento diri ang Pakistan military kag ang opisina sang prime minister apang makapila ka beses na nga ginpahayag sang Islamabad nga ang ila pag-atake sa Afghanistan naga-target lamang sa mga militante nga nag-atake sa ila teritoryo kag indi sang mga sibilyan.
