Ginatutukan sang Department of Agriculture ang pagpasanyog pa sang production kag marketing sang ahos sa bug-os nga pungsod.
Suno kay DA Undersecretary Cheryl Marie Natividad-Caballero, dako ang potensiyal sang produksyon sang ahos sa Pilipinas.
Ginpakita ni Caballero ang produkto nga ahos sa Ilocos nga ginalauman sang iban nga mga pungsod.
Suno sa opisyal sang DA, nagaplano na ang ahensiya sa pagpatuman sang programa agud suportahan kag amligan ang garlic heritage sang Ilocos nga anay ginatawag nga ‘Ilocos white gold’.
Base sa datos sang Philippine Statistics Authority (PSA), ang produksyon sang ahos sa pungsod ang yara sa 2.6% sang tuigan nga panginahanglanon ukon 146,879 metriko tonelada kun diin ang mga probinsya sang Ilocos Norte, Nueva Ecija, kag Batanes ang nagapanguna sa produksyon.
Suno kay Caballero, ginatugyan ni Agriculture Sec. Francisco Tiu Laurel Jr. san mga regional offices sang DA sa Northern Luzon, ilabi na sa Cagayan Valley ang pagbakal sang madamo nga mga kahoy sang Ilocos garlic kag itanom sa bulan sang Setyembre.
Ang target sang DA amo ang padayon nga pagpauswag sang produksyon sang ahos sa bug-os nga pungsod agud makaabot sa bisan 20% nga domestic nga produksyon sa sunod nga tuig.
