Ginkalipay ni Senador Ramon “Bong” Revilla sa pagdesignar kay retired Judge Jaime Santiago bilang direktor sang National Bureau of Investigation (NBI).
Dako ang pagpati ni Revilla kay Santiago kag nagpahayag pa ini nga dapat magpanago na ang mga kriminal kay indi ini pagpabay-an ni Santiago.
Suno pa sa senador, maayo gid ang pagpili ni Pangulong Ferdinand Marcos Jr. kay Santiago kag may kumpyansa siya nga ang NBI yara sa maayo nga kamot, kag magahatag ini sang maayo nga serbisyo sa pagtapna sang kriminalidad.
Sang wala pa mangin NBI chief, si Santiago nangin Presiding Judge sa Regional Trial Courts sa mga siyudad sang Manila kag Tagaytay, kag nag-alagad man ini bilang huwes sa Metropolitan Trial Court sa Manila City.
Nagtrabaho man ini nga anay assistant city prosecutor sa Department of Justice
Sa mga una nga mga tuig sang iya karera, si Santiago nagserbe man sa Philippine National Police – Western Police District nga hugot nga nagapakigbato sa mga kriminal sa Manila.
