Ginbuyagyag ni Interior Secretary Jonvic Remulla nga ginbalik sang Philippine National Police (PNP) ang P500 milyon nga ginpahayag nga insertion sa P1.3 billion nga intelligence fund sang ahensya nga wala nagamit. Sa pagpulong sang Senado sa ginaduso nga 2026 budget sang DILG, ginsiling ni Senador Sherwin Gatchalian nga nagpanubo sa P800 milyon sa 2026 ang pondo para sa intelligence operations sang Philippine National Police halin sa P1.3 bilyon sang 2025.
Suno kay Remulla, ang nasambit nga P500 milyon ang ginpasok lamang sang isa ka kongresista sa budget.Gintumod ni Remulla ang kongresista nga nagpasok sang insertions amo ang nagapangayo kuno sang 3000 ka containers sang isda kag sa pagkahibalo niya halin sa Region 5.Matandaan nga una na nga ginkumpirma ni Agriculture Secretary Francisco Tiu Laurel nga ginapilit siya ni anay Cong. Zaldy Co nga aprobahan ang permit para sa importasyon sang 3,000 ka containers sang tatlo ka kumpanya.
Suno kay Remulla, wala nila ginbaton ang dugang nga pondo bangud nahadlok sila nga may kabaylo ini.Natingala naman si Gatchalian kun ngaa may “insertion” sa intelligence fund sang pambansang pulisya. Apang, ginpasiguro ni Gatchalian nga suportado sang Senado ang pagpain sang bastante nga intelligence fund para sa PNP, apang dapat ini magpabilin nga matinlo kag wala sing kabaylo.
