Naabsuwelto ang international pop star nga si Shakira sa kaso nga tax fraud sa Espanya matapos ang halos isa ka dekada sang trial.
Sa desisyon sang National High Court, gin-abswelto ang singer sa alegasyon nga wala nagbayad sang husto nga buwis sang 2011.
Suno sa korte, wala napamatud-an sang tax authorities nga nagtinir ang singer sa pungsod sang masobra 183-adlaw, bangud 163 lang ang iya pagtinir didto.
Bangud sini, ginmanduan ang gobyerno nga ibalik kay Shakira ang masobra €55–60 milyon ukon P4.27 bilyon nga sala nga ginpataw nga multa, lakip ang interes.
Samtang, ginpanindugan man ni Shakira nga wala sang pagpangdaya kag wala ini napamatud-an sang Tax Agency.
Suno pa sa iya, halos 10-tuig siya nga ginkabig nga guilty kag naka-eksperyensya sang tuman ka kampanya agud gub-on ang iya reputasyon.
Kilala ang Spain sa hugot nga pagbantay sa mga sikat nga personalidad kaangot sang buwis, lakip sanday Lionel Messi kag Cristiano Ronaldo.
Madumduman nga opisyal nga gin-anunsyar si Shakira bilang isa sa halftime performers sa FIFA Men’s World Cup final.
