KORONADAL CITY – Preparado ang Provincial Government sang South Cotabato sa posible nga pag-igo sang El Niño sa probinsya.
Ini ang ginpasiguro ni OIC Provincial Disaster Risk Reduction and Management Office (PDRRMO) Rolly Doane Aquino sa interview sang Bombo Radyo Koronadal.
Suno kay Aquino, nakapreparar na ang contingency plan sang probinsya para sa El Niño phenomenon kag nakig-angot na suno pa sila sa Department of Interior and Local Government (DILG) kag sa Office of the Civil Defense (OCD) kun ano ang dapat nga pagahimuon sa tion nga mag-igo ang El-Niño sa South Cotabato.
Dugang pa sini, may naka-standby nga pondo ang probinsya nga yara sa halos P40 milyon nga magamit sa oras nga ideklarar ang state of emergency, kun may tatlo nga munisipyo sa probinsya ang maapektuhan sang El Niño phenomenon.
Samtang, hindi man dapat suno pa ngin kampante ang publiko sa padayon nga pagbubo sang ulan bangud wala pa gindula sang DOST PAG-ASA ang forecast sa pag-abot sang El Niño.
Ang El-niño amo ang abnormal o indi mapaathag nga pag-init sang paniyempo sa duta ukon kadagatan man labi na sa may bahin sang equador.
Nagadugay ini sang 6-18 ka bulan kag nagakatabo sa matapos ang 2 tubtub 7 ka tuig, kadungan sang paghinay sang huyop sang trade wind.
Bangud sa El Niño, may yara sang pagmala kag mainit nga panyempo, mas madugay nga -tig-adlaw, mas madugay nga pag-umpisa sang tig-ululan, mahinay nga pag-ulan kag ginagmay nga bagyo.
