KORONADAL CITY- Patay ang opisyal sang Bangsamoro Islamic Freedom Fighter o BIFF makaligad nga makipag engkwentro sa tropa sa Datu Saudi Ampatuan, Maguindanao del Sur.
Ginkilala ang napatay nga si Abu Halil, training officer sang BIFF-Karialan Faction kag utod ni Khadafi Abdulatif, ang chief of staff sang BIFF-KF.
Sandig sa report nakig engkwentro ang sundalo kag ang indi maisip nga grupo sang mga terorista sa Sitio Binakuyan, Brgy. Lower Salbu sa nasambit nga lunar nga nagdugay sang 12 minuto ang bayluhanay sang lupok.
Makaligad nga nag atras ang mga kalaban, gilayon nga naglunsar sang clearing operations ang mga sundalo rason para masapwan ang patay nga lawas ni Halil nga ginbilin lamang sang iya nga mga kaupdanan.
Luwas sini, nakuha man sang operating troops sang 1BCT ang isa ka M16 rifle, apat ka mga magasin, bandolyer, mga bala kag iban pa.
Una na nga ginpahayag ni Brig. Gen. Oriel Pancog, nga ila naman nga gina preperahan ang padayon nga retalliatory attack bangud sa sini nga panghilitabo.
