Naga batyag pa sa subong sang kakurdam ang mga pinoy nga ara sa Venezuela bangud sa ma-eksperyensihan sa gihapon nga mga aftershocks sa nasambit nga pungsod.
Ini ang nangin pahayag ni Allen Perez – Bombo International Correspondent to Caracas, Venezuela sa interview sang Bombo Radyo Koronadal.
Suno sa iya, bangud sa nagluntad nga pagtay-og, masami nga sila nga nakulbaan sa mga mabatyagan nga mga aftershocks sa diin nagtuga sang trauma sa pila man ka mga residente sa nasambit nga pungsod.
suno pa sa iya, madamo man sang mga mataas nga edipisyo ang nagkalahugno bangud sa linog kag padayon nga naga saka man ang numero sang mga nagkalamatay.
Bangud sa kakulba suno pa sa iya, wala na siya naga tulog nga sarado ang pertahan agud nga madali lang ang mga ini nga makaguwa sa tion nga liwat magtay-og sa ginapuy-an sini nga balay.
Ginpaambit ni Perez nga madamo ang wala anay nagbalik sa sulod sang ila mga balay bangud sang kahadlok sa posible nga aftershocks kag bangud man sa mga balay nga naguba ukon nag-tuga sang seryoso nga kahalitan.
Nagpasalamat man siya nga wala sang Pilipino nga ginreport nga napilasan ukon napatay, lakip na ang iya pamilya, apesar pa sa mabudlay nga sitwasyon nga ginaatubang sang pungsod.
Nagpasalamat man ini nga luwas siya sa nagluntad nga kalamidad apang ginpahayag sini nga indi man hamak ang kakulba nga iya nabatyagan asta sa subong nga tion.
