Ginalantaw sang isa ka OFW sa Estados Unidos nga paglapas sa Human Rights ang nagluntad nga engkwentro sang Toboso, Negros Occidental nga gin-imbolbaran sang mga estudyante kag manunudlo.
Ini ang nangin pahayag ni Peter Jabido ang Bombo International News Correpondent to USA sa interview sang Bombo Radyo Koronadal.
Suno kay Jabido, nagapati siya nga wala sang malain sa ginahimo nga pagserbisyo sang mga pumuluyo sa katawhan nga yara sa mga kabukiran bangud sa kawad-an sang maayo nga pagpanggobyerno sang Marcos Administration.
Dugang pa ni Jabido, inid nga insidente ang nagapakita sang wala sang pgbag-o sang sitwasyon sa pungsod kag sa gobyerno.
Suno pa sa iya nga nagapadayon sa gihapon ang korapsyon kag wala sang makita nga matuod nga pagbag-o sa “Bagong Pilipinas.”
Ginpakamalaot ni Jabido ang mga alegasyon sang pag abusar sang military forces kag mga paglapas sa human rights.
Bangud sini, sa liwat nga nagpanawagan si Jabido sa publiko nga mangin maalam sa pagpili sang madason nga lider sang pungsod kag indi lang magpati sa mga promisa nga wala sang konkreto nga polisiya kag aksyon sa mga kinahanglan sang mga katawhan.
