Nagpasiguro ang National Grid Corporation of the Philippines (NGCP) nga bastante ang suplay sang kuryente para sa mga consumers sa bug-os nga Mindanao apisar yara sa Yellow Alert ang Mindanao Grid.
Suno kay Engr. Bernadette Buac, spokesperson sang National Grid Corporation of the Philippines, Southwestern Mindanao Area, nagapabilin nga igo ang suplay sang kuryente para sa mga kinahanglanon sang mga konsumidor.
Ginpahayag niya nga ang pagdeklara sang Yellow Alert indi nagakahulugan nga kulang na ang kuryente sa Mindanao.
Apang, suno kay Engr. Buac, dyutay ukon sakto lang operational reserves sang grid sa idalom sang amo nga alerto.
Gani, mas sensitibo ang kahimtangan sang suplay kun may matabo nga hinali nga pag-untat sang power generation.
Padayon naman nga ginamonitor sang NGCP ang kahimtangan sang Mindanao Grid agud mapabilin nga stable ang suplay.
Ginpabutyag ni Engr. Buac nga padayon ang koordinasyon sang NGCP sa mga power generators kag iban pa nga stakeholders agud masiguro ang kasaligan nga suplay sang kuryente sa rehiyon.
