Tuyo sa karon sang National Bureau of Investigation (NBI) nga magtigayon sang imbestigasyon agud hibaluon kun may mga tawo sa likod sang pagpalapta sang ‘fake news’ sa pungsod.
Suno kay NBI Director Jaime Santiago, ila pagatan-awon kung ngaa amo ini ang tema ukon content sang mga vloggers sa karon kag kung may mga tawo nga yara sa likod agod ila ini himuon.
Nagkig-angot na sa Department of Information and Communications Technology (DICT) kag National Telecommunications Commission (NTC) ang NBI kag may ara naman sang nakalista sa ila nga indi magubo sa 20 ka mga vloggers nga nagapalapta sang sala nga balita ukon‘fake news’.
Suno pa kay Santiago, halos tanan nga fake news content nga ila makita ang may kaangtanan sa politika.
Ila man paga-imbestigahan ang tanan nga klase sang sala nga impormasyon, kalakip na ang mali nga akusasyon batok sa anay Presidente Rodrigo Duterte kag mga pag-atake sa mga opisyal sang gobyerno.
Apang, nagapahinumdom ang Commission on Human Rights (CHR) nga ang paghana sang gobyerno nga hibal-an kung ano ang tuod sa indi ang posible magtuga sang pagpugong sa kahilwayan kag paglapas sa 1987 Constitution.
