Nagpasalig ang House Prosecution panel nga magapaguwa pa sang mas madamo kag mas mabaskog nga ebidensiya batok kay Vice President Sara Duterte.
Suno kay panel member Rep. Ysabel Maria Zamora, ang mga nangin publiko nga ebidensiya sa karon lunsay mga “patikim” pa lamang, kag may mas dako pa nga mga pamatuod nga ipaguwa sa tion nga magsugod na ang impeachment trial.
Nakreer na ang prosecution team nga ginabug-usan sang 11 ka banggiitan nga mga mamalidha nga lunsay mga abogado.
Suno kay Zamora, posible nga siya ang mag-atubang sang “grave threat” nga akusasyon may kaangtanan sa ginpahayag nga pagpamahog batok kanday President Ferdinand Marcos Jr., First Lady Liza Marcos, kag anay House Speaker Martin Romualdez.
Gindugang pa sang mamalidha nga may mas damo pa nga ebidensiya nga ginapreparar kag ipaguwa sa publiko agud suportahan ang tagsa ka alegasyon batok sa bise presidente.
Sa karon, nagahimo na sila sang preparasyon kag ginabahin-bahin na ang mga isyu nga ila pagatutukan.
